බන්ධනාගාර ගැටුමෙන් මරන 26 යි. රැඳවියන් 19 යි. නිලධාරීන් 7 යි.

මීගමුව බන්ධනාගාරයේ  දින දෙකක් තුළ සිදු වූ ගැටුම හේතුවෙන් මිය ගිය ගණන 27 දක්වා ඉහළ ගොස් ඇතැයි තහවුරු වී තිබේ.  මිය ගිය අතර බන්ධනාගාර රැඳවියන් 19 දෙනකු සහ බන්ධනාගාර නිලධාරීන් 7 දෙනකු සිටින බව නිල ආරංචි මාර්ග සඳහන් කරයි.

මෙම ගැටුමේදී තුවාල ලැබූ ප්‍රමාණය සීයකට අධිකය. මීගමුව දිස්ත්‍රික් රෝහලේ පමණක් තුවාල ලැබූ පුද්ගලයන් 77 දෙනෙකු මේ වන විටත් නේවාසිකව ප්‍රතිකාර ලබමින් සිටිති. එම පිරිස අතර නිලධාරීන් 23 දෙනෙකු සහ රැඳවියන් 54 දෙනෙකු සිටිති.

මීට අමතරව තවත් පිරිසක් කොළඹ මහ රෝහලේ දැඩිසත්කාර ඒකකයේ ප්‍රතිකාර ලබමින් සිටිති.

මත් ද්‍රව්‍ය සම්බන්ධයෙන් තොරතුරු ලබා දුන් පිරිසකට සිදු කළ පහරදීමකින් ඇති වූවා යැයි සැලකෙන මෙම ගැටුමේදී රැඳවියන් අතට අවි ආයුධ ලැබුණේ කෙසේද යන්න පිළිබඳව බරපතල ගැටලුවක්ව පවතී.

මේ අතර, සිද්ධිය සම්බන්ධයෙන් පුළුල් පරීක්ෂණයක් පැවැත්වීම සඳහා විශ්‍රාමික ශ්‍රේෂ්ඨාධිකරණ විනිසුරු ප්‍රියන්ත ප්‍රනාන්දු මහතාගේ සභාපතිත්වයෙන් යුත් ත්‍රිපුද්ගල කමිටුවක් පත් කිරීමට කැබිනට් මණ්ඩලය අනුමැතිය ලබා දී තිබේ.