"න්යෂ්ටික ගැටළුව විසඳීමේ ඉරාන යෝජනාව අපි නොසලකා හැරියා."
ඇමරිකා එක්සත් ජනපදය ඉරානයට බෝම්බ හෙලීමට ටික කලකට පෙර, ඉරාන ජාතිකයන් න්යෂ්ටික ගැටළුව බොහෝ දුරට විසඳා ගත හැකි යෝජනාවක් ජිනීවා හි දී ඉදිරිපත් කළ බව හිටපු එක්සත් ජනපද ජාතික ආරක්ෂක උපදේශක ජේක් සුලිවන් පවසයි.
ඔහු මෙම ප්රකාශය සිදු කර ඇත්තේ, ඉරානයට පහර දීම සාධාරණය කරමින් ඉරානයෙන් ආසන්න තර්ජනයක් පැවැති බවට එක්සත් ජනපදය මීට පෙර සිදු කළ ප්රකාශයන්ට පටහැනිව සහ ගැටලුවට අවංක ඉරාන රාජ්ය තාන්ත්රික ප්රවේශය ඉස්මතු කරමිනි.
හිටපු එක්සත් ජනපද ජාතික ආරක්ෂක උපදේශක ජේක් සුලිවන් මෙම ප්රකාශය කරනු ලැබුවේ "ද ඩේලි ෂෝ" නමැති රෑපවාහිනී වැඩසටහනකට සහභාගී වෙමිනි.
"අපි ඉරානයට බෝම්බ හෙලීම ආරම්භ කිරීමට දින කිහිපයකට පෙර, ඉරාන ජාතිකයන් ජිනීවා හි දී න්යෂ්ටික ගැටළුව විසඳීම සඳහා බොහෝ දුරක් ගිය යෝජනාවක් මේසය මත තැබූහ." සුලිවන් පැවසීය.
"මගේ අවබෝධය නම් අපගේ පාර්ශවය, අපගේ සාකච්ඡාකරුවන්, ඔවුන්ට පිරිනමන දේ තේරුම් නොගත් බවත්, ඔවුන් එය නොසලකා හැර ඉදිරියට ගොස් සාකච්ඡා වර්ජනය කිරීමට තීරණය කළ බවත්ය." ඔහු තවදුරටත් පැවසීය.
