ට්‍රම්ප් ඉරානයට පහර දුන්නේ එප්ස්ටයින් ලිපිගොනුවේ අවධානය වෙනතකට යොමු කරන්න..

ඇමරිකානු ජනාධිපති ඩොනල්ඩ් ට්‍රම්ප් විසින් ඉරානයට එරෙහිව සිදු කරමින් සිටින මෙම යුද්ධයට ප්‍රධානම හේතුව වන්නේ, ඔහු සම්බන්ධයෙන් එප්ස්ටයින් ලිපිගොනු වලින් හෙළිදරව් වූ තොරතුරු වසන් කිරීම බව ඇන්ඩ්‍රේ ඩැරිල් කාර්සන් පවසයි.

ඔහු මෙම ප්‍රකාශය සිදු කරනු ලැබුවේ zeteo.com සමඟ පැවැති සම්මුඛ සාකච්ඡාවකදී අදහස් දක්වමින් ය.

“මෙය පැහැදිලිවම එප්ස්ටයින් ලිපිගොනු වලින් අපව අවධානය වෙනතකට යොමු කිරීමට එල්ල කරන ලද ප්‍රහාරයකි.” යැයි ඇන්ඩ්‍රේ ඩැරිල් කියා සිටියේය.

ඇන්ඩ්‍රේ ඩැරිල් කාර්සන් යනු 2008 සිට ඉන්දියානා හි 7 වන කොන්ග්‍රස් දිස්ත්‍රික්කය සඳහා එක්සත් ජනපද නියෝජිතයා ලෙස සේවය කරන ඇමරිකානු දේශපාලනඥයෙකි. ඔහු ප්‍රජාතන්ත්‍රවාදී පක්ෂයේ සාමාජිකයෙකි.

ඇමරිකා එක්සත් ජනපදය සහ ඊශ්‍රායලය එක්ව ඉරානයට පහර දී එහි උත්තරීතර නායක අලි කමේනි ඝාතනය කිරීමට පෙර, ඉරානයෙන් ආසන්න තර්ජනයක් පෙන්නුම් කිරීමට කිසිදු බුද්ධි තොරතුරක් නොතිබූ බව නියෝජිත ඇන්ඩ්‍රේ කාර්සන් වැඩිදුරටත් පැවසීය. 

( මොහු සමඟ පැවැති සම්පූර්ණ සාකච්ඡාව

https://zeteo.com/p/no-intel-imminent-attack වෙත ගොස් නැරැඹීමට හැක.)