ඊශ්‍රායලයේ ජාතික ආරක්ෂක අමාත්‍යාංශයට ඉරානයෙන් ප්‍රහාරයක්

“ සැබෑ පොරොන්දු 4 ” මෙහෙයුමේ 64 වන රැල්ල දියත් කරමින් ඊශ්‍රායලයේ ස්ථාන කිහිපයක් ඉලක්ක කර ගනිමින් ප්‍රහාර එල්ල කළ බව ඉරානයේ ඉස්ලාමීය විප්ලවවාදී ආරක්ෂක බලකාය ( IRGC ) පවසයි.

නවතම රැල්ලේ ඉලක්ක අතර ඊශ්‍රායලයේ ජාතික ආරක්ෂක අමාත්‍යාංශය සහ ටෙල් අවිව් හි හෙබ්‍රෙව් 'චැනල් 13' , බෙන් ගුරියන් ගුවන්තොටුපළ, හයිෆා හි තෙල් පිරිපහදු මධ්‍යස්ථාන සහ රිෂොන් ලෙසියොන් හි ස්ථාන ඇතුළත් වූ බව IRGC වැඩිදුරටත් පැවසීය.

බහු යුධ හිස් වලින් සමන්විත Qadr, Emad, Kheibar Shekan සහ Khorramshahr මිසයිල භාවිතා කළ බව ඉරාන හමුදා පැවසීය.

ඒ සමඟම, මධ්‍යම දුර මිසයිල භාවිතා කරමින් එක්සත් ජනපද නාවික හමුදාවේ එක්සත් ජනපද පස්වන බලඇණිය ඉලක්ක කරගත් බව ද  IRGC ද පැවසීය.