ඉරාකයේ ප්රහාරයකින් ප්රංශ සොල්දාදුවෙකු මරුට, හය දෙනෙකුට තුවාලයි ..
ඉරාකයේ උතුරු කුර්දි කලාපයේ ඉර්බිල් ඉලක්ක කරගත් ප්රහාරයකින් ප්රංශ සොල්දාදුවෙකු මිය ගිය බව, සමාජ මාධ්ය වේදිකාවක් වන X හී සටහනක් තබමින් ප්රංශ ජනාධිපති එමානුවෙල් මැක්රොන් අද (13) දින පැවසීය.
මෙසේ මියගොස් ඇත්තේ වර්සස් හි චැසියර්ස් ඇල්පින්ස් හි 7 වන බලඇණියේ ප්රධාන වරෙන්තු නිලධාරි ආර්නෝඩ් ෆ්රියොන් ලෙස හඳුනා ගෙන තිබේ.
"ඔහුගේ පවුලේ අයට, ඔහුගේ සන්නද්ධ සහෝදරයන්ට, ජාතියේ සියලු සෙනෙහස සහ සහයෝගීතාවය ප්රකාශ කිරීමට මම කැමතියි," යනූවෙන් සඳහන් කර ඇති මැක්රොන්, "අපේ සොල්දාදුවන් කිහිප දෙනෙකු තුවාල ලබා ඇත. ප්රංශය ඔවුන්ගේ පැත්තේ සහ ඔවුන්ගේ ආදරණීයයන් සමඟ සිටී." යනුවෙන් වැඩිදුරටත් පවසා ඇත.
ඉර්බිල් හි ඩ්රෝන ප්රහාරයකින් සොල්දාදුවන් හය දෙනෙකු තුවාල ලැබූ බව ප්රංශය මීට පෙර ප්රකාශ කළේය.
ඉස්ලාමීය රාජ්ය සටන්කාමීන්ට එරෙහි සටනේදී දේශීය හමුදාවන්ට සහාය වන බහුජාතික ත්රස්ත විරෝධී මෙහෙයුමක කොටසක් ලෙස ප්රංශ හමුදා ඉරාකයේ සිටිති.
