නවතම ප්‍රවෘත්තිCourt
පට්ටපල් බොරු කියූ මහින්ද පතිරණ කොන්දේසි විරහිතව සමාව අයදී..
ලියුවේ Admin
දැනට අත්අඩංගුවේ පසුවන විශ්‍රාමික මේජර් ජනරාල් සුරේෂ් සලේ ගේ සෞඛ්‍ය තත්ත්වය පරීක්ෂා කිරීමට පත් කරන ලද වෛද්‍ය මණ්ඩලයේ සාමාජිකයන්, ජනතා විමුක්ති පෙරමුණේ සාමාජිකයන් බවට චෝදනා කරමින්, 2026 ජූනි 11 වැනි දින තම මුහුණු පොතේ පළ කරන ලද ප්‍රසිද්ධ අදහස් දැක්වීම අසත්‍ය තොරතුරු පදනම් කරගෙන සිදු කරන ලද්දක් බැවින් ගරු අධිකරණයෙන් නිහතමානීව සහ කොන්දේසි විරහිතව සමාව අයැද සිටින බව මහින්ද පතිරණ කියා සිටී.
2026 ජූනි 11 වැනි දින මහින්ද පතිරණ විසින් ඔහුගේ මුහුණු පොතේ පළ කරන ලද ප්‍රකාශය අධිකරණයට අපහාස කිරීමක් බව අප විසින් එදිනම ප්‍රවෘත්තියක් පළ කරමින් කියා සිටියෙමු.
සුරේෂ් සලේ ගේ සෞඛ්‍ය තත්ත්වය පරීක්ෂා කිරීමට වෛද්‍ය මණ්ඩලයක් පත් කරනු ලැබුවේ මහේස්ත්‍රාත් පසන් අමරසේන ගේ නියෝග මත ය. ඒ අනුව මහින්ද පතිරණ සිදු කර ඇති ප්‍රකාශය අධිකරණයට සිදු කරන ලද අපහාසයක් ලෙස සැළකිය හැකි බව අප විසින් පැහැදිලිව පෙන්වා දුන්නෙමු.
අධිකරණයට අපහාස කිරීම යනු අධිකරණයේ අධිකාරියට, ගෞරවයට, සහ යුක්තිය පසිඳලීමේ ක්‍රියාවලියට හානිවන හෝ බාධා වන ආකාරයෙන් කටයුතු කිරීමයි. එය අපරාධමය වරදකි. ඒ අනුව අධිකරණයේ ස්වාධීනත්වය හා මහජන විශ්වාසය ආරක්ෂා කිරීම සඳහා නීති ක්‍රියාත්මක වන බව අප පෙන්වා දුන්නමු,
විනිසුරුවරුන්ට අපහාස කිරීම, අධිකරණ නියෝග නොසලකා හැරීම, නඩු විභාගයකට බාධා කිරීම සහ අසත්‍ය චෝදනා එල්ල කිරීම මීට අයත් වැරදි බවත්, වරදේ ස්වභාවය අනුව අධිකරණයට ඒ සඳහා නිශ්චිත දඩ මුදලක් හෝ සිරදඬුවමක් නියම කළ හැකි බවත් අප එම ප්‍රවෘත්තියෙනි, අදාළ නීති උපුටා දක්වමින් කියා සිටියෙමු.
මහින්ද පතිරණ යනු අධිකරණයකට අපහාස කිරීමේ බරපතල කම නොදන්නා පුරවැසියෙක් නොවන බවත්, එහෙත් දැන් ඔහුගේ දැන් සිහිය විකල් වී ඇතැයි අපට සිතෙන බවක්, මහේස්ත්‍රාත් අධිකරණයේ නියෝගයකට ජනතා විමුක්ති පෙරමුණු දේශපාලනය සම්බන්ධ කර ඇත්තේ මෙි සිහි විකලය නිසා බවත් අපි පැහැදිලි කෙරුවෙමු.
ඒ නිසා ඔහුට බුදු සරණයි කියා ද ප්‍රාර්ථනා කළෙමු. කෙසේ වෙතත් අදාළ පට්ටපල් බොරුව සමාජගත කොට එක් දිනක් ගෙවනු තැන, ඔහු විසින් සිදු කළ වැරැද්දේ බරපතලකම ඔහු විසින් මැනවින් වටහා ගෙන ඇතැයි මේ වන විට ප්‍රසිද්ධියේ පවසා තිබේ.
ඔහු විසින් සිදු කළ බරපතල වැරැද්ද මඟින් ගරු අධිකරණයට යම් අපහසුතාවක් හෝ අගෞරවයක් සිදුවූයේ නම්, ඒ පිළිබඳව ඔහුගේ බලවත් කණගාටුව ප්‍රකාශ කරන බවත් ගරු අධිකරණයෙන් මම කොන්දේසි විරහිතව ගරු අධිකරණයෙන් අවංකව සමාව අයැද සිිටින බවත් ඉංග්‍රීසි සහ සිංහල යන භාෂා ද්විත්වයෙන්ම ඔහු තම මුහුණු පොතේ සටහන් තබමින් අධිකරණයෙන් ඉල්ලා තිබේ.
මහින්ද පතිරණ, ජ්‍යෙෂ්ඨ කථිකාචාර්යවරයෙක්, දේශපාලන විශ්ලේෂකයෙක් සහ ලේඛකයෙක් බව ද එම සටහනේ දක්වා ඇත. මහින්ද පතිරණ යනු හිටපු අමාත්‍ය බැසිල් රාජපක්ෂගේ සමීපතමයෙක් වන අතර, රාජපක්ෂ වරුන් වන්දනා කරන බැතිමතෙක් බවට ද ප්‍රසිද්ධ පුද්ගලයෙකි.
මොහු විසින් අධිකරණය අපහාසයට ලක් කරමින් ලියන ලද සටහන් මුහුණු පොතේ බෙදා හරින ලද පිරිසක් සහ ඒ වෙනුවෙන් දාර්ශනික මත සහ වදන් පළ කළ පිරිසක් ද සිටිති.
