නීතිඥ හිජාස් හිජුබුල්ලාගෙන් සලේට X පණිවුඩයක්
පසුගිය කාලයේදී ත්රස්තවාදය වැලැක්වීමේ පනත යටතේ අත්අඩංගුවට ගෙන මාස 22 කට ආසන්න කාලයක් බන්ධනාගාර ගත කර සිටි නීතිඥ හිජාස් හිජුබුල්ලා විසින් දැනට අත් අඩංගුවේ පසුවන විශ්රාමික මේජර් ජනරාල් සුරේෂ් සලේට පණිවිඩයක් නිකුත් කොට තිබේ.
සිය X ගිණුමේ සටහනක් තබමින් හෙජාස් හිජුබුල්ලා, සුරේෂ් සලේට කියා ඇත්තේ නඩුවට එරෙහිව ශක්තිමත්ව සටන් කරන ලෙස ය.
එම X පණිවුඩයේ සඳහන්ව ඇත්තේ මෙසේය.
"ඔහු නිවැරිදි නම් සලේ ශක්තිමත්ව සිට තම නඩුව වෙනුවෙන් සටන් කළ යුතුයි. අපි කළේ එයයි. අපි යාඥා කළා. ව්යායාම කළා. අපේ නීතිඥයන් හමුවුනා. අපව රඳවා ගෙන සිටි සලේ, ඔහු දැන් සිටින තත්වයට වඩා අප සිටි තත්ත්වය නරක බව හොඳින්ම දන්නවා.."
නීතිඥ හිජාස් හිජුබුල්ලා 2020 අප්රේල් මස 14 හෝ ඊට ආසන්න දිනකදී අපරාධ පරීක්ෂණ දෙපාර්තමේන්තුව මගින් අත්අඩංගුවට ගන්නා ලද්දේ පාස්කු ප්රහාරයට සම්බන්ධ බවට චෝදනා නගමිනි.
එවකට රාජ්ය බුද්ධි සේවයේ ප්රධානියා වූයේ විශ්රාමික මේජර් ජනරාල් සුරේෂ් සලේය. නීතිඥ හිජාස් හිජුබුල්ලා අත්ඩංගුවට ගන්නා ලද්දේ රාජ්ය බුද්ධි සේවයෙන් ලද තොරතුරු පදනම් කර ගනිමින් බව පැවසේ. ඉන් අනතුරුව කිසිදු අධිකරණ ක්රියා මාර්ගයක් නොගෙන ඔහුව මාස 22 ක කාලයක් රඳවා ගෙන සිටි අතර ඉන් අනතුරුව ඔහු නිදහස් කැරුණේ අධිකරණ නියෝගයකිනි.
