තුසිත හල්ඔළුව ඩුබායි පැනලා පාතාලය එක්ක සෙට් වෙලා ..
හිටපු ජනාධිපති රනිල් වික්රමසිංහගේ කාර්ය මණ්ඩලයේ මහජන සම්බන්ධීකරණ ලේකම් වරයා වශයෙන් කටයුතු කළ තුසිත හල්ඔළුව ඩුබායි රාජ්යයේ දී මෙරට ලේඛණගත අපරාධකරුවන් වන පාතාල ක්රියාකාරීන් කිහිපදෙනෙක් මුණ ගැසී ඇතැයි කොළඹ අපරාධ කොට්ඨාසයට තොරතුරු ලැබී තිබේ.
පසුගියදා විදේශ රටකදී අත් අඩංගුවට ගෙන මෙරටට ගෙන ආ පාතාල අපරාධකාරයකු වන බටුවත්තේ චාමර නැමැත්තා මේ තොරතුරු හෙළි කර ඇති බවද පැවසේ.
තුසිත හල්ඔළුව ඩුබායි රාජ්යයේදී තමන් හා නාරාහේන්පිට චමිල නැමැත්තා මුණ ගැසුණ බව බටුවත්තේ චාමර පොලීසියට පවසා තිබේ.
නීතිඥ දිනේෂ් දොඩංගොඩ හා තුසිත හල්ඔළුව ගමන් ගත් රථයට වෙඩි තබා ඔවුන් සන්තකයේ තිබූ ලිපි ගොනුවක් පැහැර ගැනීමේ සිද්ධියට බටුවත්තේ චාමර හා චමිල නැමැත්තන් සම්බන්ධ බවට මීට පොලීසිය විසින් අනාවරණය කර ගෙන තිබුණි.
තුසිත හල්ඔළුව ඩුබායි රාජ්යයට ගොස් පාතාල අපරාධකරුවන් මුණ ගැසුණේ කවර හේතුවකටද යන්න තවමත් අනාවරණය වී නැත. එහෙත් මේ තොරතුර පිළිබඳව මේ වන විටත් වැඩි දුරටත් විමර්ශනය කරමින් පවතින බවද දැන ගැනීමට තිබේ.
කෙසේ වෙතත් තුසිත හල්ඔළුව ඩුබායි රාජ්යයට ගොස් බරපතල ගනයේ ලියාපදිංචි අපරාධ කරුවන් මුණ ගැසීම ගැන විමර්ශනය කළ යුත්තේ එවකට රට තුළ පැවැති දේශපාලන වටපිටාව අවධානයට ගනිමිනි.
ජාතික ජන බලවේග ආණ්ඩුවේ ජනපතිවරයා ඝාතනය කිරීම සඳහා යටි බිම්ගත කුමන්ත්රණයක් පවතින බවට ඒ දින වල සමාජය තුළ කතා බහක් නිර්මාණය වී තිබුණි. එම කතා බහ යටපත් වුවද එහි යම් සත්යතාවක් පැවති බව තුසිත හල්ඔළුවගේ ඩුබායි සංචාරය ගැන අනාවරණය කෙරෙන තොරතුරු වලින් සැකයක් පහළ වේ.
තුසිත හල්ඔළුව යනු මහින්ද රාජපක්ෂ ආණ්ඩුව පෙරළා යහපාලන රජය පිහිටුවීමට කුමන්ත්රණය කළ අයෙක් ලෙසද වාර්තා ගත වී තිබේ. තමන් ඒ සඳහා දායක වූ බවද තුසිත හල්ඔළුව ලංකාදීප පුවත්පතකට සාකච්ඡාවක් ලබා දෙමින් පවසා තිබුණි.
එසේම ජාතික ජන බලවේග ආණ්ඩුව බලයට පත් වීමෙන් පසුව තුසිත හල්ඔළුව මාධ්ය වෙත කළ ප්රකාශයන් තුළින් ආණ්ඩුවට කරන ලද අනතුරු ඇඟවීම් ඔහුගේ ඩුබායි සංචාරය හා ගලපා ගත හොත් එය එසේ මෙසේ ගමනක් නොවන බව අනාවරණය වන්නට ඉඩ තිබේ.
දක්ෂිණ ලියනාරච්චි ✍️