ට්රම්ප් සහභාගී වූ භෝජන සංග්රහයක් අසල වෙඩි තැබීමක්.
ඇමරිකාවේ ධවල මන්දිර වාර්තාකරුවන්ගේ රාත්රී භෝජන සංග්රහය පැවැත්වුණු Washington Hilton හෝටලය අසල ඊයේ (25) රාත්රියේ දී වෙඩි තැබීමක් සිදු වී තිබේ.
වෙඩි තැබීම සිදුවන අවස්ථාවේ දී අදාළ රාත්රී භෝජන සංග්රහයට, ඇමරිකානු ජනාධිපති ඩොනල්ඩ් ට්රම්ප් ඇතුළු ඉහළ පෙළේ නායකයෝ ගණනාවක් සහභාගී වී සිටියහ.
වෙඩික්කරු විසින් මෙම වෙඩි තැබීම සිදු කොට ඇත්තේ Washington Hilton හෝටලය අසල තිබූ ආරක්ෂක පරීක්ෂණ ප්රදේශයට ඇතුල්වීමෙන් අනතුරුවය.
මෙම වෙඩික්කරු විසින් එල්ල කරන ලද වෙඩි ප්රහාරයෙන්, රහස් සේවා නියෝජිතයෙකුට වෙඩි වැදී ඇතත්, ඔහු පැළඳ සිටි වෙඩි නොවදින කබාය හේතුවෙන් ඔහුගේ ජීවිතය බේරී ඇත.
මේ අවස්ථාවේ දී ධවල මන්දිර වාර්තාකරුවන්ගේ රාත්රී භෝජන සංග්රහයට සහභාගී වී සිටි එක්සත් ජනපද ජනාධිපති ඩොනල්ඩ් ට්රම්ප් ඇතුළු ඉහළ පෙළේ නායකයෝ ඉක්මනින් එම ස්ථානයෙන් ඉවත් කිරීමට ආරක්ෂක අංශ කඩිනමින් ක්රියා කොට තිබේ.
මෙම වෙඩි තැබීම සිදු කළ බවට සැක කළ පුද්ගලයෙකු ආරක්ෂක අංශ විසින් අත් අඩංගුවට ගෙන ඇති අතර, වෙඩි තැබීමේ අරමුණ කුමක්ද යන්න මෙතෙක් හඳුනාගෙන නැත.
කෙසේ වෙතත් මෙම වෙඩි තැබීම සිදු කිරීමට හේතුව, එක්සත් ජනපදය තුළ දේශපාලනය සම්බන්ධව මේ වන විට පවතින අසහනයක් හෝ විරෝධයක් ප්රකාශ කිරීමක් විය හැකි බව ඇතැම් විශ්ලේෂකයින්ගේ මතය වී තිබේ.