ඉරානය, හෝටල් වලට සහ වාණිජ අවකාශයන්ට පහර දෙන හේතුව මෙන්න..
ඉරාන විදේශ අමාත්ය අබ්බාස් අරග්චි අල්-ජසීරා රූපවාහිනීය වෙත සම්මුඛ සාකච්ඡාවක් ලබා දුන්නේය. එම සම්මුඛ සාකච්ඡාවේදී ඔහු සෑම ප්රශ්නයකටම ඉතා සිසිල් හා අපූරු ලෙස පිළිතුරු දුන් අතර, එය සිත් ඇදගන්නා සුළු විය.
ඔහුගේ සම්මුඛ සාකච්ඡාව ඉරානයේ වත්මන් චින්තනය පිළිබඳ යම් අවබෝධයක් ලබා දෙයි. පහතින් පළ කර ඇත්තේ ඔහුගේ එම සම්මුඛ සාකච්ඡාවේන් කියැවුණු අදහස් අතුරින් යම් සම්පිණ්ඩනයකි.
ඉරානය අරාබි රටවල හමුදා කඳවුරුවලට පමණක් නොව, හෝටල් සහ වාණිජ අවකාශයන්ටද පහර දෙන්නේ මන්දැයි ඔහුගේ මෙම සාකච්ඡාවෙන් ඔහු හෙළි කරයි.
අල්-ජසීරා:- "ඔබේ ප්රහාර ගුවන්තොටුපළවල්, ක්රීඩා ප්රදේශ, හෝටල් සහ සමහර විට සමහර නේවාසික ප්රදේශවලට පවා හානි කරන අතර බොහෝ දෙනෙක් මිය යනවා."
"උදාහරණයක් ලෙස, මගේම අත්දැකීම ගැන මම ඔබට කියන්නම්. මම දෝහාහි සිටියෙමි. දෝහාහි, අපට සෑම විටම ඩ්රෝන යානා සහ රොකට් හඬ ඇසුනා."
"ඔබේ ඉලක්ක සියල්ලම, නිශ්චිත කඳවුරු නොවේ. සමහර නේවාසික ප්රදේශ සහ ව්යාපාරික ආයතන ද ඉලක්ක කර තිබෙනවා."
"ඔබ, ඊශ්රායලයට, එක්සත් ජනපද කඳවුරුවලට සහ අසල්වැසි රටවලට රොකට් ප්රහාර එල්ල කරනවා. මේ ගැන ඔබ පවසන්නේ කුමක්ද?"
අබ්බාස් අරග්චි:- "පළමුවෙන්ම, ඉරානය පුරා ප්රහාර එල්ල වන නේවාසික ප්රදේශ, පාසල් සහ රෝහල් ගැන ලෝකය කතා නොකිරීම ගැන මම ඇත්තටම පුදුම වෙනවා. කිසිවෙකු මේවා ගැන කතා නොකරන්නේ ඇයි?"
"නමුත් අසල්වැසි රටවල සිවිල් ඉලක්කවලට අපි පහර නොදුන් බව මට විශ්වාසයෙන් කිව හැකියි. අපි ඒවා ඉලක්ක කළේ නැහැ. ඇත්ත වශයෙන්ම, සමහර ස්ථානවල අතුරු ප්රතිවිපාක ඇති විය හැකි නමුත් එය අපගේ අභිප්රාය නොවේ."
"නමුත් ඇමරිකානුවන් මෙම කලාපයේ ඔවුන්ගේ කඳවුරු ලෙස හඳුන්වන දේට පහර දීමේදී, අපි ස්වභාවිකවම ඔවුන්ගේ "නිල හමුදා කඳවුරු" වලට සීමා වූයේ නැහැ."
"ඇමරිකානුවන් විශාල වශයෙන් රැඳී සිටි ඕනෑම තැනක හෝ ඔවුන්ට පහසුකම් ඇති ඕනෑම තැනක, අපි ඔවුන්ව ඉලක්ක කර ගත්තා."
"මෙම ස්ථානවලින් සමහරක් නාගරික ප්රදේශවලට ආසන්න විය හැකිය. එය අපගේ වරදක් නොවේ; එය ඇමරිකානුවන්ගේ වරදක්. ඔවුන් තම හමුදා හමුදා, කඳවුරුවලින් නගරයේ හෝටල් වෙත ගෙන ගොස් තිබෙනවා."
"මැදපෙරදිග කලාපය මේ ස්ථානයට ගෙනැවිත් ඇත්තේ, සමස්තයක් වශයෙන්, එක්සත් ජනපදයේ හැසිරීමයි."
"අපගේ මිත්ර රටවල් කෝපයෙන් සිටින බවත් කලාපයේ ජනතාව දුක් විඳ ඇති බවත් මම පිළිගන්නවා. ජනාධිපති පෙසෙෂ්කියන් කලාපයේ ජනතාවගෙන් සමාව අයැද ඇත්තේ ඒ නිසායි. මක්නිසාද යත්, අපට එරෙහි ඇමරිකානු ආක්රමණයේ සහ අපගේ ප්රතිචාරයේ සහ පළිගැනීමේ ප්රතිඵලයක් ලෙස ඔවුන්ට දුක් විඳින්නට සිදු වී ඇති නිසා."
"නමුත් මේ සියල්ලටම ඇමරිකාව වගකිව යුතුය. අපි මේ යුද්ධය ආරම්භ කළේ නැහැ. අපි අපවම ආරක්ෂා කර ගන්නවා පමණයි."
මෙම ප්රකාශය සමඟ, අබ්බාස් අරග්චි, ඇමරිකානු පැවැත්මක් සහ උනන්දුවක් ඇති ඕනෑම තැනක හෝටල්, නේවාසික ගොඩනැගිලි හෝ වාණිජ ගොඩනැගිලිවලට එල්ල වූ ප්රහාර සඳහා වගකීම පැහැදිලිව පිළිගෙන සාධාරණීකරණය කළේය.
සටහන:- ජගත් බන්ධු ✍️